 |
 |
Euskal sagardotegi tipiko batean bazkaltzea edo afaltzea bezalakorik ez dago. Betiko jatetxe batekin duen aldea giroan dago: sagardotegietan askoz ere atseginagoa eta lasaiagoa da. Gainera, txotx egiteko unean, bezeroek kupelen aurrean biltzen dira hantxe bertan sagardoa dastatzeko, eta horrek aukera ematen du elkarren artean berriketan eta solasean aritzeko, askotan sagardozaleak berak bidea emanda, hurbildutakoei iritzia eskatuta sagardoaren gainean: koloreaz, usainaz, zaporeaz, etab. Horrek guztiak hizpidea ematen du, nola ez, bestelako gaietan ere murgiltzeko. Hau da, bazkaltiar edo afaltiarrek oso ongi pasatzen dute jaki eta sagardoaz gozatzen. Usabal sagardotegian sagardotegiko menu klasikoa dastatzeko aukera dago: bakailao tortilla, bakailaoa piperrekin, txuleta eta, postrerako, gazta, intxaurrak eta sagar menbriloa. Eta edateko, kalitateko sagardoa. |
 |
|
 |
|
|
